Mga Panunuri ng Pangkat Sodium: Enero 2018

Ang Pinili ni Uncle Ben

By Unknown - Enero 06, 2018

ANG PINILI NI UNCLE BEN
Isinalin ni Delfin Tolentino Jr.
Mula sa 'Uncle Ben's Choice' ni Chinua Achebe
Sinuri ng ika-Unang Pangkat ng Sodium

1. PAGKILALA SA MAY AKDA Kilala bilang isa sa mga pinakamahusay na manunulat si Albert Chinụalụmọgụ Achebe noong ika-dalawampung siglo. Isa sa kanyang mga naisulat ay ang 'Uncle Ben's Choice' o 'Ang Pinili ni Uncle Ben' ay isang mahiwagang storya na bumabalot sa elemento ng pagpili ng tao. Sa pangkalahatan, ang mga sinulat ni Achebe ay nagpapakita ng pagkakaiba-iba sa kultura sa lipunan ng mga African.

Ang kwento ni Jolly Ben ay hango sa tunay na nangyayari sa mga kabataan. Marami sa mga kabataan ngayon ay mapupusok at padalos-dalos sa kanila ng mga desisyon kaya marami sa kabataan ngayon ang na uuwi sa kawalan. Eto marahil ang nag-udyok sa may akda na lumikha ng kwento ng isang kabataan nagaya ni Jolly Ben, isang ordinaryong kabataan na nagnanais din tumikim ng kaligayahan ngunit may pagpapahalaga sa tama. Marahil ito ang dahilan ng may akda na may kabataan pa na mas pinahahalagahan ang bilis ng pag-angat sa buhay kesa sa paghahanap ng tunay na pagmamahal. Nais nyang ipabatid sa kabataan na ang lahat ay maaring mo gawin ngunit dapat ito muna ay iyong pag-isipan. Ninanais ng may akda na ipakita sa lahat ng ang buhay ay naka-depende sa desisyon na iyong gagawin.

2. URI NG PANITIKAN
Ang "Ang Pinili ni Uncle Ben" ay isang uri ng panitikang ANEKDOTA.

Ang anekdota ay may dalawang uri: kata-kata at hango sa totoong buhay. Ang akdang ito ay tumatalakay sa kakaiba o kakatwang pangyayaring naganap sa buhay ng isang kilala, sikat o tanyag na tao na si Jolly Ben, kung saan siya ay binisita ng Diwata ng Niger noong siya ang pumalit bilang senior clerk, ang diwatang ito ay si Mami Wata. Dito matutunghayan ang pasiya at pagtitimbang-timbang ng pamilya o kayamanan

3. LAYUNIN NG AKDA

Ang akda ay naglalayong magturo sa mga mambabasa na ang pagdedesisyon ng maigi ay mahalaga. Kailangan mong isipin kung ano ang magiging bunga nito kaya huwag padalos-dalos sa pagdedesisyon dahil kapag nagkamali ka, hindi mo na maibabalik ito.
Ang "Ang Pinili ni Uncle Ben" ay sumasailalim sa teoryang MORALISTIKO. Layunin nito na mailahad ang ibat't ibang pamantayang sumusukat sa moralidad ng isang tao – ang pamantayan ng tama at mali. Inilalahad din nito ang mga pilosopiya o proposisyong nagsasaad sa pagkatama o kamalian ng isang kilos o ugali. Ito ay nagtuturo ng pagtitimbang sa tama o mali, tamang pagpapahalaga na maaring magamit sa pang araw araw na pamumuhay.

4. TEMA O PAKSA NG AKDA

Ang tema o paksa ay tungkol sa importansya ng pamilya para sa kultura ng mga Nigerian.Mas pinili ni Uncle Ben na makuntento sa kanyang sariling kultura. Mas pinili ni Uncle Ben na tiisin ang kanyang mga materyal na paghahangad at talikuran si Mami Wata. Ipinapakita lang din ng manunulat kung ano ang halaga ng kayamanan kung wala ka namang pamilya na pagbabahagian nito.

5. MGA TAUHAN/KARAKTER SA AKDA

Uncle Ben - kilala rin bilang Jolly Ben: isa syang clerk sa Niger company sa Umuru, kasali sya sa african club kung saan siya ay naglalaro ng tennis at bilyar
Doktor na Aleman - pinaalahanan si Uncle ben na kasing itim na ng kaldero ang kanyang puso dahil sa paninigarilyo
Senior Clerk - nakulong dahil sa pagnanakaw ng ilang paldo ng kaliko
G.B Olivant - nakatira sa lugar na makikita sa Ilog Niger
Mami Wata - diwata ng Niger na bumisita sa bahay ni Uncle ben para ito ay akitin
Matthew Obi - kaibigan ni Uncle Ben
Dr. Jm Stuart young - isang komersiyanteng maputi at ang pinakamayamang tao sa buong Niger
Margaret - isang babae na manilaw nilaw ang balat at inimbita si Uncle Ben na maging isang katoliko

6. TAGPUAN/PANAHON
Panahon noong taong mil nuwebe siyentos disinuwebe. Ang unang tagpuan ay sa Niger Company sa Umuru kung saan nagtratrabaho siya bilang clerk siya ay si Uncle Ben. Pangalawang tagpuan ay sa club kung saan siya gusto nyang manood ng sayawan tuwing sabado. Pangatlong tagpuan ay sa simbahan malapit kila uncle ben kung saan nagkita sila ni Margaret at sinabi nito na gusto nyang maging romano katoliko si uncle ben. Pangapat na tagpuan ay sa kanilang bahay kung

saan matatanaw mo ang ilog niger, siya ay binisita ni Mami Wata. Panglimang tagpuan ay sa bahay ni Matthew kung saan dun siya nabasbasan at nalaman na binisita ako ni Mami Wata ang diwata ng Niger

7. NILALAMAN O BALANGKAS NG MGA PANGYAYARI

Ang "Uncle Ben's choice" ay isang storya na ipinapakita ang paggawa ng desisyon ng tao. Ipinapakita rin nito ang likas na moralidad ng mga lalaki sa lipunan. Madali lamang intindihin ang mensahe ng may-akda. Nagsimula ito sa pagbibigay ng detalye para makilala ang karakter na si Jolly Ben. Habang binabasa mo ang kwento, makikita natin na malaki ang pag-iingat nya pagdating sa mga babae. Makikita din natin ang kanyang kontrol sa sarili at mas mataas ang pamumuhay niya kumapara sa iba pang-karaniwang African, hindi lang yon, mas nakatuon ang kanyang pansin sa tagumpay at materyal na bagay. Ito ang naging dahilan kung bakit napukaw niya ang atensyon ni Mami Wota.
May ilang pangyayari sa akdang ito ang hindi pangkaraniwan. Katulad ng diwata na ibibigay niya ang tagumpay, salapi, materyal na bagay, at kahit ano ninanais mo maliban sa isa, ang pakasalan mo siya. Pinapakita sa aral ng kwentong ito na ang pamilya ang tunay nating kayamanan, kung gaano kahalaga ang pamilya kaysa sa salapi at materyal na bagay.

8. MGA KAISIPAN O IDEYANG TAGLAY NG AKDA
•Huwag maging padalos-dalos sa pagdedesisyon dahil lahat ng ito ay magkakaroon ng epekto sa ating buhay at pagkatao.
•Hindi kailanman matutumbasan ng kayamanan ang kasiyahan.
•Kilalanin ang mga taong nakapaligid sayo dahil dun mo malalaman kung mabuti o masama ang intensyon nito sa buhay mo.
•Hindi dapat tayo gumagawa ng mga bagay na hindi natin kayang panindigan ang kalalabasan.
•Lahat ng tao ay may kakayahang mag isip ng tama o mali.

9. ESTILO NG PAGKAKASULAT NG AKDA

Ang estilo ng pagkakasulat ng akda ay parang nagkukwento lamang ng isang salaysay na nagbibigay imahe rin sa lipunan ng may akda. Ang akda ay gumamit ng mga bokabularyo at mga wika o lenggwahe na pamilyar sa atin kung saan marami sa atin ang makakaintindi. Ngunit gumamit din ng wikang maaring hindi natin alam katulad ng sinabing “Biko akpakwana oku”. Naging impormal ang dating nito dahil mararamdaman ang pagiging komportable nito sa paraan ng pagkukuwento. Mapapansin din sa akda na sa iba't ibang sitwasyon ay parang may kasabihan, katulad ng sinabi ni Uncle Ben na ayaw niyang pinupuntahan siya ng mga babae sa bahay at sumunod ay may naka-quote na “For every rule there must be an exception”. Isa pang katulad nito ay sa bahagi na kung saan ang mga lalaki ay nagpakahangal sa mga babae ng Uhuru at sumunod ang naka-quote na “Mag-ingat kapag labis na magiliw ang pagbati sa iyo.” Sa kwentong binasa natin naipakita ng may akda ang kanyang pagiging malikhain sa tulong ng mga pangyayaring naganap at ang mga tauhan nito.

10. BUOD

Ito ay isang kuwento na sinasabi ng pangunahing karakter, si Uncle Ben.
Nagsabi siya ng mga aral na itunuro sa kanya ng kanyang ama kagaya ng pagiging maingat sa mga babae at pagkakaroon ng kontrol sa sarili kapag umiinom. Isang gabi, napagtanto nya na marami-rami na syang nainom kaya sumakay na siya sa kanyang bisekletang Raleigh at umuwi. Dumating siya sa bahay at umakyat ng kama kung saan napagtanto niya na may babae sa kanyang higaan na naghihintay para sa kanya. Tinanong niya ang babae kung sino ito at ang sumunod na bagay alam nya na lang ay kinakalampag niya ang pinto ng kapitbaha ng walang kamalay-malay kung ano na ang nangyari sa babae. Sa wakas ay dumating na din siya sa konklusyon na binisita siya ni Mami Wota, ang diwatang tagapagdala ng tagumpay at kayamanan ngunit hindi mo ito pwedeng mapakasalan. Pagkalipas ng ilang taon ay napagtanto ni Uncle Ben na hindi siya sumama kay Mami Wota. Kahit na bibigyan siya ito ng tagumpay at kayamanan, hindi naman siya nito mabibigyan ng mga anak o mas nakakahalaga ng higit pa kaysa sa kahit anumang kapalaran. Siya ay masaya sa kanyang pinili at sinabing ang mga materyal na bagay ay hindi mo madadala sa iyong pagkamatay. Ikaw? Anong klase ng kayamanan ang iyong gusto?

0 Comments

Mga Talutot na Dugo

By Unknown - Enero 05, 2018

0 Comments

Woyengi: Sa Kaharian ng Isembi

By Unknown - Enero 04, 2018

Woyengi: Sa Kaharian ni Isembi

Dula

Malayang salin ni Moreal Camba ng "Woyengi - Eksena III" ni Obutunde Ijimere

I. PAGKILALA SA MAY-AKDA

(Ulli Beier, ika-30 ng Hunyo, 1922 - ika-3 ng Abril, 2011)

Si Obutunde Ijimere, kilala rin bilang Ulli Beier, ay isang German Jewish editor, manunulat, at iskolar na nagkaroon ng pangunahing papel sa pagpapaunlad ng literatura, drama at panulaan ng Nigeria at Papua New Guinea. Siya ay kilala rin sa pagsasalin ng mga tradisyonal ng panitikan ng Nigeria sa Ingles. Siya ay umusbong bilang isa sa mga iskolar na nagpakilala ng mga Afrikanong manunulat sa pangmalawakang mambabasa.

Nang si Beier ay nasa unibersidad pa lamang, siya'y nalipat mula sa Phonetics Department papuntang Extra-Mural Studies Department. Dahil dito ay naging interesado siya sa tradisyonal na cultura at mga sining ng Yoruba. Kahit siya ay isang guro sa Yoruba, pinalawig pa niya ang kanyang mga kaalaman tungkol sa komunidad ng nito at tumira sa iba't ibang lugar dito. Dahil sa kaniyang mga sumunod na gawa tungkol sa pag-aaral ng kultura ng Yoruba, siya ay ginawaran bilang isang pandangal na pinuno ng Yoruba.

Dahil dito ay nagawa niya ang "The Origins of Life and Death: African Creation Myth" at dito nailagay ang "Ogboinba: An Ijo Creation Myth" ni Gabriel Okara na siya namang ginawang dula ni Beier na ang pangalan ay "Woyengi".

II. URI NG PANITIKAN

Ang "Woyengi: Sa Kaharian ni Isembi" ay isang halimbawa ng dula. Ang dula ay isang akdang pampanitikan na may layuning itanghal sa entablado sa pamamagitan ng kilos, gawa at pananalita sa harap ng manonood katulad ng ibang panitikan.

Ang karamihan sa mga dulang itinatanghal ay hango sa totoong buhay maliban na lamang sa iilang dulang likhang malikhain at malayang kaisipan.

III. LAYUNIN NG AKDA

Layunin ng akdang ipakita at ipamalas ang kalakasan ng kababaihan. Sila ay hindi dapat minamaliit at ibase lamang sa kanilang kasarian ang kanilang kalakasan. Isa ring layunin ng akda ay ang ipakita na hindi sa lahat ng oras ang isang tao ay makapangyarihan at malakas.

Paglalapat ng Teoryang Pampanitikan: Magagamit ang teoryang Feminismo sapagkat ang teoryang ito ay naglalayong ipakilala ang kalakasan at kakayahang pambabae at naglalayong iangat ang pagtingin ng lipunan sa mga kababaihan.

Dahil sa sitwasyon sa dula kung saan pinapili si Ogboinba kung kapangyarihan ba o ang pagkakaroon ng anak, magagamit rin dito ang teoryang Eksistensyalismo dahil ipinapakita na may kalayaan ang tao na pumili o magdesisyon para sa kanyang sarili bilang kanyang pananatili sa mundo.

IV. TEMA O PAKSA NG AKDA

Ang tema ay tungkol sa mga kababaihan na hindi dapat minamaliit dahil kaya rin ng mga babae ang mga ginagawa ng mga kalalakihan. Isa pa, ang tema rin ay tungkol sa pagiging mapagkumbaba. Huwag nating hayaan na may matapakang kapwa dahil lahat tayo ay pantay-pantay dapat ang pagtingin sa isa’t-isa.

V. MGA TAUHAN O KARAKTER SA AKDA

1. Isembi - Siya ang Hari ng Kagubatan. Mayroon siyang dalawang nilalang na mukhang ibon na sumisimblo sa kaniyang espiritung kapangyarihan. Isang aroganteng tao na may paniniwalang hindi siya maaaring suwayin ninuman, lalo na ng mga babae.

2. Ogboinba - Siya'y isang mortal na nanggaling sa mundo ng mga tao. Malakas, matapang na babaeng lumaban kay Isembi at hindi hahayaang maging sunud-sunuran ninuman. Ang kanyang anak ang naging kapalit upang magkaroon ng kapangyarihan. Siya'y isang maawing tao, at hindi basta-bastang pumapatay ng kahit sino man. Siya'y mayroong dalawang espiritung kapangyarihan.

VI. TAGPUAN O PANAHON

Ang tagpuan ng dula ay sa isang gubat na pinamumunuan ni Isembi na siya namang pinasok ni Ogboinba.

VII. NILALAMAN O BALANGKAS NG MGA PANGYAYARI

Kung babasahing mabuti ang akda, ang mga pangyayari ay karaniwang nangyayari sa totoong buhay. Mga taong minamaliit ang kababaihan dahil sa kanilang kasarian. Ngunit nang naglaon ay naipamalas naman na ang kababaihan ay kaya ring lumaban, at makipagsabayan sa mga kalalakihan. Ngunit ito rin ay may halong piksyon, katulad na lamang ng pagkakaroon ng mga espiritung kapangyarihan.

VIII. MGA KAISIPAN O IDEYANG TAGLAY NG AKDA

Ang akdang ito ay naglalaman ng magagandang kaisipan na maaari nating magamit sa totoong buhay sapagkat ito ang mga karaniwang problema sa kasalukuyan. Ang mga ideya at kaisipang ipinamalas rito ay:

Huwag maliitin ang mga kababaihan
Ang pagmamataas sa kapwa ay hindi nakukuhanan ng magandang kabayaran at ito ay maaari lamang ikapahamak
Huwag agad magdesisyong pumatay ng isang tao dahil siya ay maaari pang magbago at maaari pa niyang ibahin ang kanyang masamang ugali

IX. ISTILO NG PAGKAKASULAT NG AKDA

Ito ay ginamitan ng estilong "Expository Writing". Ito ay nagpapaliwanag ng isang konsepto o ideya habang naglalaman ng detalye na nagiging suporta sa ideya o konsepto. Ang expository writing ay pormal at diretso sa punto ng ideya.

X. BUOD

Nakarating sa isang gubat si Ogboinba, isang babaeng mortal na may dalawang espiritung kapangyarihan sa isang gubat na pinamumunuan ni Isembi, hari ng kagubatan, na may dalawang nilalang na mukhang ibon na sumisimbolo rin sa kanyang espiritung kapangyarihan. Nang magkita ang dalawa'y sinabihan ni Isembi si Ogboinba na huwag nang tumuloy, ngunit hindi nagpatinag ang babae't hindi sumunod sa hari. Dahil dito ay nagalit si Isembi, sinasabi na walang sinuman ang sumuway sa kaniyang utos at hindi niya matatanggap na sinuway ng isang babae ang kaniyang utos. Kahit nahamak ang pagkababae ni Ogboinba ay hindi ito nagpatalo, sa halip ay naghamon pa ng duwelo. Dito na nagsimula ang kanilang laban. Nagdasal si Isembi, dahilan ng pagkakawala ng mga espiritung kapangyarihan ni Ogboinba at napunta sa kanya. Nanghina si Ogboinba, ngunit bago pa man matapos si Isembi sa kanyang dasal ay siya naman ang nagsimula. Dahil sa kanyang dasal, nanumbalik sa kanya ang kanyang mga espiritung kapangyarihan, at si Isembi ay nanghina. Natalo ni Ogboinba si Isembi, at nag-iwan pa ng mensaheng isang hangal si Isembi, at isa lamang umano siyang haring walang kapangyarihan. Kahit na karapat-dapat mamatay si Isembi ay hindi ito ginawa ni Ogboinba, at siya'y lumisan na sa lugar na iyon.

0 Comments

Handa Akong Mamatay

By Ikalawang Pangkat - Enero 04, 2018

HANDA AKONG MAMATAY

Talumpati mula South Africa

Isinalin ni Doyle Camba

Mula sa "I am Prepared to Die" ni Nelson Mandela

1. PAGKILALA SA MAY-AKDA:

Si Nelson Rolihlahla Mandela ay ang kaunaunahang hindi puting presidente ng Timog Africa na nanungkulan mula taong 1994 hanggang 1999. Kilala itong anti-aparheid icon dahil sa pakikipaglaban sa apartheid system o ang sistema ng racial segregation noon ng Timog Africa. Sa kanya ring pag-upo bilang pangulo, nilabanan ni Mandela ang kahirapan at deskriminasyon at isinulong ang rekonsilasyon ng iba’t ibang lahi. Kilala din siyang founding father ng demoskrasya sa Timog Africa.

Taong 1962, inarestong muli si Mandela at nahatulan ng habang buhay na pagkakabilanggo dahil sa pananabotahe at pakikipagsabwatan upang pabagsakin ang gobyerno. Pagkatapos ng 28-taon, inilabas si Mandela sa kulungan noong 1990. Nakipagtulungan siya sa pamahalaan ni President F.W. Klerk upang makapagtatag ng bagong konstitusyon sa Timog Africa. Ito na ang hudyat ng pagkawala ng apartheid. Ang dalawang pinuno ay pinarangalan ng Nobel Peace Prize noong 1993 para sa kanilang kahanga-hangang hakbang sa pagbabago at kapayapaan.

Pumanaw ang dating pangulo ng Timog Africa noong Disyembre 2012, sa edad na 95-anyos dahil sa sakit sa gallstones. Hanggang ngayon nagsisilbi siyang “Uniting Force” ng South Africa at patuloy na nirrerespeto bilang “Father of the Nation”.

2. URI NG PANITIKAN:

Ginamit ng may-akda ay isang talumpati kung saan siya ay nagpapahayag ng kaisipan upang basahin o bigkasin sa harap ng mga taong handang magsipakinig. Ito ay isang ay isang buod ng kaisipan o opinyon ng isang tao na pinababatid sa pamamagitan ng pagsasalita sa entablado para sa mga pangkat na mga tao.

3. LAYUNIN NG AKDA:

Naglalayon ang akda na ipahatid sa mga mambabasa ang mga suliranin ng mga taga-South Africa at ang matinding diskriminasyon na kanilang kinakaharap. Layunin din nito na ihayag ang maraming hamon sa buhay ng mga “itim” na nagsisilbing balakid upang magkaroon ng pagkakataong mapaunlad ang kanilang sarili at ang kanilang lipunan. Ang akda rin ay naglalayong mag-udyok sa mga taong kapwa biktima ng diskriminasyon na lumaban para sa kanilang kinabukasan at kalayaan.

PAGLALAPAT NG TEORYANG PAMPANITIKAN:

Ang akda ay maaring malapatan ng Teoryang Marksismo sapagkat may kakayahan ang mga “itim” na umangat ang kanilang pamumuhay at tuldukan ang pagdurusang dulot ng mga suliranin sa lipunan. Inihayag ng may-akda ang kanyang disgusto ukol sa kasalukuyang sistema na umiiral sa South Africa at naghangad ng pagbabago. Kung magbabalik-tanaw sa unang talata ng akda, winika ni Nelson Mandala, “Hindi tayo yuyuko at walang tayong mapagpipilian kung hindi lumaban sa abot ng ating lakas upang proteksiyonan ang ating mamamayan, ang ating kinabukasan, at ang ating kalayaan.”

Mailalapat din ang Teoryang Sosyolohikal dahil inilahad ang pinagdadaanang suliranin ng may-akda at ng lipunang kanyang kinabibilangan. Masasalamin sa akda ang mga pagsubok na kinakaharap ng mga taga-South Africa at kung paano lubhang naapektuhan ang kanilang araw-araw na pamumuhay dahil sa diskriminasyon. Ang mga pagsubok na ito ay nagsisilbing hadlang sa kakayahan ng mga itim na ibigay ang kanilang buong kapasidad sa iba’t ibang larangan ng buhay.

4. TEMA O PAKSA NG AKDA:

Ang tema ng talumpati ay tungkol sa pag-ahon sa pagkalugmok. Ang kontinenteng Africa ay kilala bilang pinakamahirap na kontinente sa buong mundo. Nababalot sa pangungutya, rasismo at pangmamaliit ang mga nakatira rito, kaya't ang kanilang tanging hiling ay ang pantay na karapatan sa pagitan ng mga "Puti" at "Itim". Maliban sa kahirapan, lumilitaw sa South Africa ang diskriminasyon. Diskriminasyon dahil sa kulay ng kanilang balat. Kailangang masolusyunan ang kahirapang kinahaharap ng mga itim upang guminhawa ang kanilang pamumuhay.

5. MGA TAUHAN/KARAKTER SA AKDA:

Masasabing hindi kathang-isip o gawa-gawa lamang ang mga karakter sa akda bagkus, ay mga totoong tao na lubhang apektado ng diskriminasyon. Kapansin-pansin ang pagpabor ng pamahalaan sa mga puti. Nawawalan na pagkakapantay-pantay ang mga mamamayan sa South Africa.

6. TAGPUAN/PANAHON:

Ang tagpuan ay sa South Africa at nangyari ito noong 1961. Maaaring matagal na panahon na ang lumipas buhat nang subukan nilang baguhin ang hindi pagkakapantay-pantay sa mata ng lipunan, ngunit ang isyu ng diskriminasyon ay masasalamin hanggang ngayon sa kasalukuyang panahon.

7. NILALAMAN O BALANGKAS NG MGA PANGYAYARI:

Ang nilalaman ng kaniyang talumpati ay patungkol sa pagkakaiba ng pamumuhay ng mga African sa mga puti sa bansang South Africa. Nilalaman din ito ng mga ninanais makamit ng may-akda at ang nagtalumpati na si Mandela sa kaniyang buhay. Kung saan ito ay ang hindi pagkapantay-pantay na pagtingin at pagtrato na nagaganap sa South Africa. Sa orihinal na kanyang talumpati ay kanyang ibinangit ang mga katagang ito, “ I have fought against white domination and I have fought against black domination.” Ipinapakita na ang kaniyang intensyon sa kanyang talumpati ay hindi lamang upang ipaglaban ang black community ng South Africa kundi para maisulong ang pagkakapantay-pantay. Lumaban si Mandela upang magkaroon ng pagkapantay-pantay na pagtingin sa mga mamamayan ng South Africa, puti man o African. Pantay na oportunidad, pag-aaral, at karapatang pampulitika ay ang kaniyang ipinaglaban sa kaniyang buhay.

8. MGA KAISIPAN O IDEYANG TAGLAY NG AKDA:

Ang mga sumusunod ay ang kaispan o ideyang nakapaloob sa talumpati :

• Hindi basehan ang kulay ng isang tao para malaman kung ano ang kanyang kakayahan, hindi rin ito bashehan kung paano natin tatruhin o hatulan ang bawat isa . Base nga sa bibliya : John 7:24 “Huwag kayong magsihatol ayon sa anyo, kundi magsihatol kayo ng matuwid na paghatol.” Hindi man pare-pareho ang kulay ng ating balat, naniniwala ako na pare-pareho naman ang kulay ng ating kaluluwa.

• Patuloy maniwala sa sariling kakayahan o karapatan bilang mamamayan ng isang bansa at ipaglaban kung ano ang tama at makabubuti sa bawat isa.

• Huwag natin hayaang makulong ang ating bansa sa ilalim ng mapang-abusong pamamalakad

9. ESTILO NG PAGKAKASULAT NG AKDA:

Sa unang pagbasa, mauunawaan agad ng mga mambabasa ang nais ilahad ng may akda. Ito ay ang ipaglaban ang kanilang kalayaan. Ang ginamit na estilo ni Nelson Mandela ay masyadong seryoso at maramdamin, ito ay masasabi dahil ang kapwa niyang Aprikano ay pinaglalaban niya ang nararapat na karapatan sa kanilang sariling bansa.

Sa akda ipinapakita ang hangarin ng mga itim ang pantay ang pagtingin, dahil nawawalan ang mga Aprikano ng dignidad bilang tao dahil sa diskriminasyong natatanggap galing sa mga mapuputi.

Si Nelson Mandela ay naglakas loob isiwalat ang katotohanan, nangyayari, o nakikita niya sa sarili niyang lipunan upang maimulat ang mga mata ng mga tao na gumising sa ginagawang masama sa tao.

10. BUOD:

Dumating na ang araw sa South Africa kung yuyuko ba o lalaban. Hindi tayo yuyuko at wala tayong mapagpipilian kung hindi lumaban sa abot ng ating lakas upang proteksiyonan ang ating mamamayan, ang ating kinabukasan, at ang ating kalayaan. Ito ang aking posisyon noong Hunyo ng 1961 nang iginiit namin ang pagbabago ng polisiya ng National Liberation Movement. Sa kabuuan, nilalabanan naming ang dalawang aspekto ng buhay-African sa South Africa (kahirapan at kawalan ng dignidad) na nakatala sa saligang batas na nais naming tanggalin. Namumuhay ang mga puti sa karangyaan, samantalang ang mga African ay namumuhay sa karukhaan. Ang dalawang paraan para makalaya sa kahirapan ay sa pamamagitan ng pormal na edukasyon at sa pamamgitan ng pagpapataas o pagpaparami ng manggagawa sa kanyang kakayahan. Ngunit, ang mga ito ay nahahadlangan dahil sa pamamahala ng mga puti. Ang mga African ay lalong naghihirap at ang mga puti naman ay lalong nakikinabang. Ang nais namin ay pantay na karapatan, dahil kung wala ang mga ito, kami’y panghabang-buhay na magiging lumpo. Alam kong, para sa mga puti sa aking bansa, Ito’y rebolusyonaryo, sapagkat ang nakararaming botante ay mga African. Sa demokrasya, tila natatakot ang mga puti.

0 Comments

Ang Pinili ni Uncle Ben

Mga Talutot na Dugo

Woyengi: Sa Kaharian ng Isembi

Handa Akong Mamatay

Ang Pinili ni Uncle Ben

Mga Pahina

Follow Us

recent posts

Blog Archive